Памяці У.І. Нядзведскага прысвячаецца ...

Па традыцыі 17 кастрычніка ў гімназіі прайшоў Дзень памяці беларускага пісьменніка Уладзіслава Іосіфавіча Нядзведскага, чыё імя носіць наша навучальная  ўстанова з 2005 года.

Навучэнцы, педагогі і госці гімназіі ўспомнілі асобныя старонкі з жыцця і творчасці пісьменніка-земляка падчас літаратурнай гасцёўні «Размова з прысутнымі», чыталі вершы і выконвалі песні на словы аўтара. Лепшым навучэнцам, якія спрабуюць сябе ў творчай літаратурнай дзейнасці, былі ўручаны ў гэты дзень Граматы і памятныя сувеніры з рук гасцей гімназіі: беларускага паэта і барда, галоўнага рэдактара часопіса "Верасень" Эдуарда Акуліна, пісьменніка Леаніда Дранько-Майсюка, лунінецкага паэта і краязнаўцы Нефідовіча Сцяпана Паўлавіча, даўняга сябра гімназіі Несцяровіч Людмілы Васільеўны.

Творчая сустрэча з вядомымі літаратарамі дала магчымасць насалодзіцца цудоўнымі гукамі беларускай мовы, пазнаёміцца ​​з новымі творчымі знаходкамі і дасягненнямі пісьменнікаў.